Na mode
Tambi paxenxa na mundo
Mudjeres sta ku karga pisadu na kabesa
Karga pisadu e sem ordidja!
Ka bu bem flan mas sta sta dreto
Ka bu bem flan ma sta suguru
Ka ta da pa nu marra kabra e larga bodeku
Ou nu ta marra tudo dos
Ou nu ta larga tudo dos!!
Amilcar Cabral dja flaba
Pa nu konkista progressu
Nu tem ki kaba ku hábitus mariadu ki nu tem
Poi mudjeres karga na piskos
Karga na piskos sem ordidja
Ka ta djudanu konkista sonhu di progressu
Sonhu ki Amilcar Cabral e txeu otus kabuverdianus ku guineenses da ses bida!!!
Jovens kabuverdianus
Progressu di nason kabuverdianu
Ka ta facedu só ku estabilidade ekunomiku
Mas tambi ku djustisa pa tudo grupu social
Si bo bu sta preokupadu ku violência kontra mudjer
Milita na Laço Branku
Subi riba la na kutelu bu grita mas kusas sta mariadu!!!
Jovens, nu poi mo na kexada nu pensa
Um forma di nu tra karga pisadu de kabeça de mudjeres
É pensa tambi num legislason
Ki ta obriga homis a paga penson pa mininus
Moka é sabi, mas é mudjer ki tá fika prenha!!!
